گٹی سکول دی پنجاہ سال پرانی کتھا ”دوسرا حصہ“

چڑھدے رخ بابیاں دا ڈیرا 

ایتھوں  لیندا،  جنم   سویرا

کدی   کدی  دربارے   جانا

مطلب ہووے تے سیس نوانا

میلے دے جد موسم اونے 

آن  مریداں  ڈیرے  لونے

وس جاندا اک شہر نواں سی 

پڑھنپڑھوں دی گٹی تھا سی

جمے شاہ مطلب نوں رکنا
پیریڈ بھن کے ایتھے لکنا

نال ملنگاں رکھنی یاری
حقے دی وی لونی واری

میلہ   لگنا  لنگر   کھانا
دو دو دن تک گھر نہ جانا

موت دے کھوہ تے عجب سماں سی
پڑھن پڑھون دی گٹی تھا۔ سی

شائد  ایہہ  مجبوری  نئیں  سی 
واشنگ روم ضروری نئیں سی

حاجت رفع نوں جے کوئی چاہوے
ٹپے    کھال    کماد   چہ   جاوے

پانی   دا   جد   کتے   نہ   سرنا 
دھدل (باریک مٹی)  نال تیمم کرنا

کھال  وی  چلدا  واری ناں سی
پڑھن پڑھون دی گٹی تھاں سی


لین تے جاکےپتھر رکھنے
گڈی   اونی   ڈبے   ٹپنے 

گڈی رکنی لک  چھپ جانا
پلس نے پھڑ کے مانجا لانا

چھپڑ چوں جد آنڈے کڈھنے
بطخاں  اگوں  آنے  ٹڈ نے

ساہ رہ جاندا تانہہ دا تانہہ سی
پڑھن پڑھون دی گٹی تھاں سی