Funny punjabi ghazal [wakeel di dua]

فجر  نماج سی  مصلے  تے  وکیل  سی
 ہتھ جوڑ کیتی اوہنے رب توں اپیل سی

چنگا  لنگے  دن فیر آ جا وے  چَس  جی
قتل دا کیس ہوے،گا ہک جاۓ پھس جی

دو   نال   نفل   پڑ ھاں   ظہر   نماج   جی
چرس دا کیس ہوۓ،کلاٸنٹ میرا جھاج جی

داتا  دربار  جاواں  گوڈیاں  تے  رڑ کے
جے آ جان چار پینڈو، آپس وچ پھڑ کے

جمعے دی  دعا  دا  وی  میرے  مولا  حل  دے
ڈکیٹاں دا کوٸ گینگ ہوے کول میرے کہل دے

ویا ٕ  وی  تے  میرے  مولا  بڑا  وڈا  پھا ٕ  آ
طلاق  میں  دواواں میرے دل  وچ   چا ٕ   آ

چا ٕ نوں توں میرے مولا سوہنا جیا پھل دے
کپتی  ہوے  رن  جہڑی  کول  میرے کہل دے

باراں تیراں صدقے چ  چڑیاں  چھڈا دیواں
تے  ناں  تیرے  مولا  اک  نلکا  لوا  دیواں

ناں آوے جد  میرا  جج  سارے  ڈر جان
رہ جاواں کلا میں وکیل سارے مر جان

فیر آپ ای میں جج ہوواں آپ ای وکیل جی
جت   جاواں   کیس  فیر  بنا  ای  دلیل  جی

اینیاں   کو   مولا   ہالے   پوریاں   تو   کر  دے
ویا ٕ والے گُھٹ ذرا چھیتی میرے مولا بھر دے

تے آخر وچ لیّے اسیں جنتی نظارے جی
آمین    آمین    آکھ    دیو    سارے    جی